بدويه وكلي فخر

عشرين شارب ما شرب لي فناجيل
من دلة ٍ صفرا بها شاذليه
من دلة ٍ تبري ضرم للرياجيل
سويتها للي تردّد عليه
أحد ٍ يقول البن طاغي على الهيل
وأحد ٍ يقول الهيل زايد شويه
أحد ٍ يدور للغط باب تعليل
يحط منقوده بهذي وذيه
احد ٍ يحلل حكيها الزين تحليل
غلطان منهو يحسب اني رديه
غلطان ثم غلطان يالشيخ بالحيل
بيني وبينه يالوفي مكرهيه
أنا إبدويه عزوتي قربهم ويل
إيه ابدويه والفخر لبدويه
أصبر على الشدات لحظات وتزيل
وتزيل معها كل محنه قويه
لاني من اللي ترتكب عار بالليل
ولاني من اللي تقبله في هديه
ولاني من اللي شانها القال والقيل
ولاني من اللي تعشق العنصريه
لكن يحق افخر وانا بنت..........
في عزوتي في عزوتي .........
يا مشغلين أعماركم حط ٍ وشيل
حضرة جناب العز قبّل إيديه
ما ملت الحره ولا تعرف الميل
كل البشر تدري بأني نقيّه
يالله عسى حظه مثل صاحب الفيل
اللي نوى مكه لفعل الخطيه
وجزاه من ربي بطير ٍ ابابيل
إمسومه من عند رب البريه


تحياتكم من خطورة انثى....

خطورهـ أبيات ذوووق وكشخه

يسلمك ربي ننتظر جديدك